බංග්ලාදේශ සටනින් ජය ලංකාවට

Previous Next

විස්සයි විස්ස ලෝක කුසලාන තරගාවලියේ සුපිරි 12 වටයේ ශ්‍රී ලංකාව සහ බංග්ලාදේශය අතර පැවැති තරගය කඩුලු 5කින් ජයගැනීමට ශ්‍රී ලංකා කණ්ඩායම සමත් වුණා

කාසිය වාසිය දිනූ ශ්‍රී ලංකා කණ්ඩායම පළමුව පන්දුවට පහරදීමට බංග්ලාදේශ කණ්ඩායමට ආරාධනා කළා.

බංග්ලාදේශ කණ්ඩායම නියමිත පන්දුවාර 20 තුළ කඩුලු 4ක් දැවී ලකුණු 171ක් ලබා ගත් අතර  එම කණ්ඩායම වෙනුවෙන් මොහොමඩ් නයිම් ලකුණු 62ක්, මුෂ්ෆිකුර් රහීම් නොදැවී ලකුණු 57ක් රැස් කළා.

පන්දු යැවීමේදී ශ්‍රී ලංකා කණ්ඩායම වෙනුවෙන් චාමික කරුණාරත්න, බිනුර ප්‍රනාන්දු සහ ළහිරු කුමාර එක් කඩුල්ල බැගින් දවා ගත්තා.

පිළිතුරු ඉනිම සඳහා ශ්‍රී ලංකා කණ්ඩායමට  පන්දුවාර 18යි පන්දු 5ක් තුළ ජයග්‍රහණය වාර්තා කිරීමට හැකිවුණා.

පන්දු 49කට මුහුණ දුන් චරිත් අසලංක නොදැවී ලකුණු 80ක් ලබාගැනීමට සමත් වූ අතර ඊට හතරේ පහර 5ක් සහ හයේ පහර 5ක් ඇතුළත් වූ අතර
භානුක රාජපක්ෂ ලකුණු 53ක් රැස් කළා.

පන්දු යැවීමේදී බංග්ලාදේශ කණ්ඩායම වෙනු‍වෙන් ෂකිබ් අල් හසන් සහ නසුම් අහමඩ් කඩුලු 2ක බැගින් දවාගත් අතර මොහොමඩ් සයිෆුදීන් එක් කඩුල්ලක් දවා ගත්තා.